गाउ गाउमा माओवादी प्रशिक्षण

घरदैलो अभियान आजबाट
नवलपरासी १६ चैत्र ,
शान्ति, सबिधान, नागरिक सर्वाेच्चता र राष्टिय स्वाधिनताका लागी राष्टिय संयुक्त सरकार आवश्यक रहेको ठहर गर्दै माओवादीले नवलपरासीका गाऊगाऊमा पार्टी सदस्यस्तरका कार्यकर्ता प्रशिक्षणलाई तीव्र बनाएको छ ।
एकीकृत नेकपा माओवादी नवलपरासीका अनुसार सोमबार जिल्लाका ८ ठाऊमा कार्यकर्तालाई राजनैतिक वैचारिक प्रशिक्षण दिइएको छ ।
माओवादी नवलपरासीले मगलबार देखि समयमै जनसंविधान बनाउनका लागी जनदबाब आवश्यक रहेको भन्दै घरदैलो अभियान  चलाउने जनाएको छ ।
एकीकृत नेकपा माओवादी जिल्ला संगठन समिति नवलपरासीका ईञ्चार्ज बाला थापा कृतिका अनुसार सविधान जारीगर्ने दिन नजिकिदैं जादा पार्टीले लिएको वर्तमान कार्यनीतिबारे कार्यकर्तालाई स्पष्ट बनाउन  प्रशिक्षणलाई तीव्र बनाइएको हो ।
माओवादीका अनुसार ४ हजार ८ सय पार्टी सदस्य लाई इलाका नं. ४ र ५ कोमुकुन्दपुरमा पार्टीका जिल्ला सहइन्चार्ज जगन्नाथ आचार्य विज्ञान, इलाका नं. ६,७,८ को कावासोतीमा सहइन्चार्ज द्रोण शिवाकोटी ११ र १२ को चोरमारामा शुशिला विश्वकर्मा १५,१६,२५,२६ इलाकाको सदरमुकाम परासीमा केन्द्रिय सदस्य किसन शर्मा र सहइन्चार्ज मोती रिजाल, इलाका नं. १७,१८,१९,२०को प्रतापपुरमा जिल्ला सचिव राजुहरिजन र इलाका नं.२१,२२,२३,२४ को ग्रेमीमा सहइन्चार्ज भविश्वर तिवारी आजातले प्रशिक्षण दिएका थिए । इलाका नं. १३,१४ र २२ का पार्टी सदस्यहरुलाई प्रशिक्षण दिदै एकिकृत नेकपा माओवादीका जिल्ला इन्चार्ज बाला थापा कृतिले  विशिष्ट घडी भएकाले अग्रगामी परिर्वतन चाहने र प्रतिगामीकँ बीच अन्तिम टकराव हुने बताएको एक कार्यकर्ताले जनाए । पार्टी श्रोतका अनुसार एकिकृत माओवादीले चैत्र २४ गते जनआन्दोलन सम्झनामा परासीमा जनसभाको आयोजना गरिएको र त्यसैको तयारीमा प्रशिक्षणलाई तिव्रता दिएका हो । श्रोतका जानकारी अनुसार एकिकृत नेकपा माओवादी नवलपरासीमा ४ हजार ८ सय पार्टी सदस्य, १ हजार ४ सय इलाका सदस्य, एक सय ७५ जिल्ला सदस्य,७५ जिल्ला सल्लाहकार, ५३ राज्यसमिति सदस्य १३ राज्य सल्लाहकार र २० हजार १ सय ३ विभिन्न जनवर्गीय संगठन मोर्चा सम्द्ध कार्यकर्ता रहेका छन ।

हत्याको विरोधमा चक्का जाम

नवलपरासी १६ चैत्र ,

सिराहामा अखिल नेपाल ट्रेड युनियन महासंघका केन्द्रीय सदस्य एवं् मिथिला राज्य संयोजक रामअयोध्य यादवको हत्याको विरोधमा गरेको उद्योग कलकारखाना र तीन घण्टे चक्काजामको प्रभाव नवलपरासीमा समेत प¥यो ।

आ८ना कार्यकर्ताको हत्याको विरोधमा उत्रेका ट्रेड युनियन महासंघका कार्यकर्ताहरुले नवलपरासीको बर्दघाट, त्रिवेणीचोक, कावासोती, गैडाकोट र सुनवलमा समेत तीन घण्टा चक्काजाम गरेका थिए । बर्दघाटमा आयोजित चक्काजाम पछिको कोणसभालाई सम्बोधन गर्दै ट्रेड युनियन महासंघका अवधमधेस राज्यसदस्य एवं् अखिल नेपाल निर्माणमजदुर संघका केन्द्रिय सदस्य राम बहादुर सुयलले सरकारले मजदुरहरुको सुरक्षा गर्न नसकेकोले कुर्चीमा बसिरहनुको कुनै अर्थ नरहेको बताए । चक्काजाम दिउसो १२ देखि ३ बजे सम्म भएको थियो । 

जटायु रेष्टुरेन्टको स्थापना

नवलपरासी, चैत १६
   विश्वमै लोप हुने अवस्थामा रहेको जटायु¬(गिद्ध)लाई संरक्षणका लागी नवलपरासीको पिठौलीमा जटायु रेष्टुरेन्टको स्थापना गरेको छ ।
   स्थापनाको समयमा ७६ वटा गिद्ध भेटिएकोमा हाल बृद्धि भएर यसको संङ्ख्या २१७ पुगेको छ । जस मध्ये ५० प्रतिशत प्रजनन र ५० प्रतिशत अन्य ठाउबाट आएको कारण गिद्धको संङख्या बढेको हो ।
  बि.स.२०६३ सालमा पिठौलीको नमुना मध्यवर्ती सामुदायिक वनमा गिद्ध संरक्षणका लागी खोलिएको जटायू रेष्टुरेन्ट नेपालमा मात्र नभई दक्षिण एसियामा पहिलो पटक स्थापना गरिएको हो ।
  सामुदायिक स्तरबाट सञ्चालित त्यस जटायु रेष्टुरेन्टमा दक्षिण एसियामा पाइने नौ प्रजातीका गिद्धहरु सानो खैरे,खैरे,डंगर,सुन,गोब्रे,राज,हिमाली र हाडफोर मध्ये यहा सानो खैरे,डंगर र गोब्रे गरी तिन प्रजातीका गिद्ध पाईन्छ ।
   नेपालमा अहिले गिद्धहरुको संङ्ख्या एक हजार भन्दा बढि जोडी रहेको नेपाल पंछी संरक्षण संघले गरेको छ ।यसका साथै पिठौली बाहेक पाँच सयको हाराहारीमा गिद्धहरु नवलपरासीको बर्दघाट,लुम्बीनी र दाङको रेष्टुरेन्टमा देख्न सकिन्छ ।
   गिद्धलाई बाताबरणीय हिसाबले प्रकृती संरक्षक पनि मानिन्छ, गिद्ध भएको ठाउमा त्यहाको हावापानी स्वच्छ हुने गर्छ ,केहि बर्षयता डाइक्लोफेनेक नाम गरेको औषधी प्रयोगले पशु मरेको सिनो खाएको कारण गिद्ध लोप हुने अवस्थामा अनुसन्धानबाट प्रस्ट भएको छ ।
   त्यसैले नवलपरासीको पिठौलीमा गिद्धलाई शुद्धआहारका लागी यहाका बासिन्दाले बृद्ध भएका पशुहरुलाई उपचारमा बिशाक्त औषधी  प्रगोग नगरी पशुको मृत्युपश्चताप गिद्धलाई आहारको रुपमा दिने गरिन्छ । यस भन्दा पहिला यहाका  स्थानीय बासिन्दाले गिद्धको प्वाख धरि छोएमा अपवित्र हुन्छ,भन्ने अन्धबिश्वास जस्ता कुराहरुको मान्यता राख्ने अहिले गिद्ध संरक्षणमा जुटेका छन् ।

एसएलसी मा माओवादी लडाकुहरु सहभागी

नवलपरासी १२ चैत

वर्तमान शिक्षा प्रणालीलाई वुर्जुवा शिक्षा भन्दै कडा आलोचना गर्ने माओवादी लडाकुहरु यस पटकको एसएलसी परिक्षामा ठूलो सङ्ख्यामा सहभागि भएका छन् । सेना समायोजनको विवादले भविष्य अनिश्चित बन्ने चिन्ताले पनि धेरै माओवादी लडाकुहरुको पढाईप्रति आकर्षण बढेको छ ।
आजबाट सञ्चालन भएको २०६६को एसएलसी परिक्षामा नवलपरासीमा मात्रै दुई सय अठ्सठ्ठी लडाकु छुट्टै परिक्षा केन्द्र मार्फत  आफ्नो शैक्षिक भविष्यको रेखा कोर्न   सहभागी भएका हुन् ।
चौथो डिभिजन मुख्यालय झ्यालटुङडांडा अन्तरगत नवलपरासीको अरुणखोला परिक्षा केन्द्रबाट उनिहरु एसएलसी परिक्षामा सहभागी भएका छन् । चौथो डिभिजन मुख्यालय अन्तरगत सहायक शिविरहरु सलिम मण्डल स्मृति व्रिगेड, परिवर्तन, कृष्णसेन र बासु स्मृति व्रिगेड मातहतका लडाकुहरु परिक्षामा सहभागी भएको केन्द्राध्यक्ष विन्दु कुमार श्रेष्ठले बताउनुभयो । लडाकुलाई राज्यले शैक्षिक क्षेत्र तर्फ आकर्षित गरि विशेष योजना ल्याउन सके देशको शान्ती प्रकृयामा बल पुग्ने श्रेष्ठले दावी गर्नुभयो ।
माओवादीलाई परिक्षामा दुइ सय वाह्र पुरुष लडाकु र छ्यापन्न महिला लडाकु   मध्ये माओवादी युद्वकालमा घाईते भएका सात लडाकु पनि परिक्षामा सहभागी भएका थिए भने परिक्षामा चार जना अनुपस्थित थिए । यस वर्षको एसएलसी परिक्षामा नवलपरासीमा नियमित  र आंशिक गरि कुल आठ हजार दुइ सय त्रिसठ्ठी विद्यार्थी सहभागी थिए । कुल विद्यार्थी मध्य १ सय ४७ अनुपस्थित रहेको जिल्ला शिक्षा अधिकारी बरखु प्रसाद रजकले जानकारी गराउनुभयो

भेटियो झ्यालबासमा बर्डफ्लु

नवलपरासी, ४ चैत्र ।
देश भरिमै ६० प्रतिशत कुखुरा खपत गर्ने चितवन र नवलपुर क्षेत्र मध्ये नवलपरासीको नवलपुर क्षेत्रमा वर्ड फ्लु भेटिएको छ ।
देउराली गाँउ विकास समितिको वार्ड नम्बर ६ झ्यालबासमा कुखुरा र हाँसमा बर्डफ्लु भेटिएको जिल्ला पशु सेवा कार्यालय नवलपरासीले जनाएको छ ।
वर्डफ्लु भेटिएको पुष्टि भएपछि त्यस्को नियन्त्रणको लागी तयारी सुरु भएको छ ।
वर्ड फ्लु फैलिएपछि त्यस क्षेत्रका पंक्षि नियन्त्रणका लागी बुधबार प्रशासनले त्यस क्षेत्रलाई संकटग्रस्त क्षेत्र घोषणा गरेको छ ।
कृषक बलबहादुर बागवलको घरलाई केन्द ्रबिन्दु मानी पुर्वमा वुद्ध चोक, पश्चिममा गुहेरी जाने बाटो मौला सुर्यबहादुर घरछेउ, उत्तरमा लामीबजर टोल र दक्षिणमा ग्यालुङ्गको घरलाई चार किल्ला मानी उत्त क्षेत्रलाई वर्डप्mलु स्रक्रमण ग्रस्त क्षेत्रलाई बुधबार बिहान जिल्ला प्रशासन कार्यालय परासीमा बसेको बैठकले संकट ग्रस्त क्षेत्र घोषणा गरिएको बताईएको छ  ।
देउराली गाविसको झ्यालबास क्षेत्रमा क्षेत्रीय पशुरोग अन्वेषण केन्द्रका वरिष्ठ पशु  चिकित्सक र्परशुराम भुषाल सहितको टोली त्यस क्षेत्रमा गएको छ ।
नियन्त्रणका लागि पहिलो चरणमा नियन्त्रण कक्षको स्थापना गरि विहीबार बिहानैबाट तीव्र रुपमा नियन्त्रणको कार्य सुरु गरिने बताईएको छ ।
नियन्त्रणका लागि त्यस क्षेत्रमा दुई ओटा रेपिड रेस्पोन्स टिमले कार्य तिव्र रुपमा गर्ने बताईएको छ । मंगलबार त्यसक्षेत्रमा अन्तराष्ट्रिय विज्ञले समेत अवलोकन गरेका थिए । नवलपरासि जिल्लाको देउराली गाँउ विकास समितिको झ्यालबास क्षेत्रमा गत फागुन २१ गते देखि कुखुरा र हाँस मर्न थालेका थिए । वर्डफ्लुको शङ्का भएपछि परिक्षणका लागी भरतपुर हुदै काठमान्डौ बाट अन्तराष्ट्रिय मापदण्ड अनुरुप बेलायतको भेटनरी ल्याबा्रेटरि एजेन्सी भि एल ए मा पठाईएको थियो । सो क्षेत्रमा वर्ड फ्लु भएको नेपाल सरकारले हिजो मात्र पुष्टि गरेको छ । सो क्षेत्रमा ८१ हाँस र १ सय ३७ कुखुरा अहिलेसम्म मरेको बताईएको छ । देउराली गाँउ बिकास समितिका संगै आसपासका तम्सरिया, धौवादी लगाएतका गा वि समा समेत कुखुरा र हास मरेको बताईएको छ ।
सो क्षेत्रमा नष्ट गरिएका जिउदाँे पंक्षिलाई प्रति पंक्षि एक सय रुपैया, प्रति अण्डा पचास पैसा, मासु प्रति केजी पचास रुपैया र दान प्रति केजी को पाँच रुपैया त्यस क्षेत्रका बासीन्दालाई क्षतिपुर्ति स्वरुप उपलब्ध गराईनेछ । त्यस क्षेत्रमा नियन्त्रणको पहल नियन्त्रण भएको ४५ दिनसम्म निगरानी गरिरहनु पर्ने पशु चिकित्सकहरुले बताएका छन् ।